Dərində - Orxan Zeynallı

Sən mənim dörd fəslimsən

Sən olmadan həyat keçmir, bil!

Bu qədər millətlər, hərənin öz dili

Mənim sənə hisslərimi ifadə etməz heç bir dil

Sus… Qoy bir az yarpaqlar danışsın

Sevgidən şeirlər yox, qoy otaqlar danışsın

Nə qədər saf toxunuşa şahid olmuş

Sevgini üşüməkdən qoruyan isti yataqlar danışsın

Sənlə döyünmək varkən ürək olub dönmək sanki

Dirəyimə böyümək sarılıb kimə elə bir örnək sayılır

Ki baxıb görünə insan, ki inamım köynəyi sanki

Ləkələr görünər sap kimi, ya da şəffaf, insan kimi

Sonda dönsək saf geri bu evdə bizi nə gözləyir?

Sevincimizə baxıb qəhər kədərin üzünə -«Döz deyir»

Əl-ələ tutanda torpaq olur səma, dərələr isə bulud

Mən səni unudaram bir sabah görünərsə qürub

Tapsan dərində

Nə qədər üzüb getsən də hissləri

Son sözlərində desə

Nə fayda?

Qəlb sevgi istəmir

Tapsan dərində

Nə qədər üzüb getsən də hissləri

Son sözdən əvvəl

Diqqətlə bax, axı gözləri gizləmir

Sən mənim cüt gözümsən

Sən olmadan yerimək çox çətin, bil!

Bu qədər göz yaşları isladır izləri

Mənim yağışlarımı səndən gizlədib çox çətir

Bil ki, sən mənim nəfəsimsən

Gec gəldikcə qaralır dünya və azalıram mən

Sənlə yaşadığım hər saniyə ömürdən getsə belə

Dayanacağı olan həyatda sonsuzluğu qazanıram mən

Sən axan qanımsan, olmasan özümü hiss etmirəm

Həqiqətə yaxın yalansan, nağıldayam, gizlətmirəm

Buralarda düz hər tərəf, çünki güzgülər yox

Çəkinmədən gəl dünyama, rahat ol, özgələr yox

Önümdə səs gələn yol, işıqlar yalançı olur

Sən ən çox sevilən biri ol, mən isə davamçın olum

Məişət torunda şikara çevrilmiş sevgidə

Xoşbəxtlik yalansa əgər, qoy mən əbədi yalançın olum

Tapsan dərində

Nə qədər üzüb getsən də hissləri

Son sözlərində desə

Nə fayda?

Qəlb sevgi istəmir

Tapsan dərində

Nə qədər üzüb getsən də hissləri

Son sözdən əvvəl

Diqqətlə bax, axı gözləri gizləmir

Tapsan dərində

Nə qədər üzüb getsən də hissləri

Son sözlərində desə

Nə fayda?

Qəlb sevgi istəmir

Tapsan dərində

Nə qədər üzüb getsən də hissləri

Son sözdən əvvəl

Diqqətlə bax, axı gözləri gizləmir