Amhrán Pheadair Bhreathnaigh - Altan

Tráth chuaigh mé seal tamailt ar cuairt

Gur bhreatnaigh mé uaim an spéir

Thart fá na hoileáin ó thuaidh

Mar bheadh eilit agus cú 'na diaidh

'Sé deirfeadh gach duine fán chuan

Tráth thuirling mé anuas fán ché

Aithnim go maith ar do ghruaim

Gur fear thú a bhfuil ruaig do dhiaidh

Casadh domh cailín dheas óg

Ach má casadh sí a labhair go géar

Más fear thú a bhain do mhnaoi óig

Cha mholaim rómhór do «thrade»

Chonaic mé fear ar tír mór

Is é ag imeacht gan bhróg inné

Is dóigh liom gur tusa an fear óg

Is go bhfuil ort an tóir do dhiaidh

D’fhreagair mé an ainnir dheas óg

Mar ghlac sí go mór mo scéal

'Stad do do mhagadh níos mó

Nó ní duine den tseort sin mé

Ach suigh thusa anall I mo chomhair

Is bí ag an nós liom féin

Nó rachaidh mé os coinne mo shróin

Amach ar tír mór le léim

Thit muid I dtuirse 's I mbrón

Is d’fhiafraigh an óigbhean díom

Cá bhfaighimis gloine le hól

A thógfas an brón dar gcroí

Tá teach beag ar leataobh an róid

Agus coinníonn sé I gcónaí braon

Gabh thusa gus «rappal» ar an bhord

Is ní dhíolfaidh do phócaí phingin

Bhí biotáilte fairsing go leor

A raibh beagán 'á ól sa tír'

'S dá dtarrnóinnse Galún Uí Dhomhnaill

B’fhurast mo scór a dhíol