Fani Dünya - Faiq Ağayev

Əzəl gündən bu dünyada

Sevinc, kədər qoşa olar

Zaman atlı, biz — piyada

Çətin çatıb, ötən olar

Dünyanın gül bağçasında

Köksü al-qan laləsi var

Bahar ömrün xəzanında

Ərşə qalxan naləsi var!

Görən kimlər keçdi səndən

Canlar yola salan dünya?

Fanidən də sən fanisən

Həqqi danan, yalan dünya!

Görən kimlər keçdi səndən

Canlar yola salan dünya?

Fanidən də sən fanisən

Həqqi danan dünya!

Dinib bəmdə, gah da zildə

Quzutək mələdən sənsən

Sultan olsaq əgər göydə

Hökmünlə endirən sənsən

Kimə cənnət, kimə dövran

Kimiuə qəfəssən dünya

Huri mələyi, dişi aslan

Çarşablı iblissən, dünya!

Görən kimlər keçdi səndən

Canlar yola salan dünya?

Fanidən də sən fanisən

Həqqi danan, yalan dünya!

Görən kimlər keçdi səndən

Canlar yola salan dünya?

Fanidən də sən fanisən

Həqqıi danan dünya!

Ey, dünyadan beş əlli yapışan nadan

Bu şah qamətini zaman əyəcək

Dünya sənə də qalmaz

Eləmə güman, büdrəyib yıxılsan

Hamı güləcək, hamı güləcək!

Görən kimlər keçdi səndən

Canlar yola salan dünya?

Fanidən də sən fanisən

Həqqi danan, yalan dünya!

Görən kimlər keçdi səndən

Canlar yola salan dünya!

Fanidən də sən fanisən

Həqqi danan dünya!